İsveçrə prezidenti Viola Amherd bildirib ki, Ukraynadakı münaqişənin həlli üzrə beynəlxalq konfransın nəticələrinə görə sülh sazişi imzalanmayacaq, çünki bunun baş verməsi üçün danışıqlar masasında Rusiya da olmalıdır.
NOCOMMENT.az xəbər verir ki, onun sözlərini Frankfurter Allgemeine Zeitung qəzeti sitat gətirib.
Siyasətçinin sözlərinə görə, bu konfransın köməyi ilə ilk addım kimi Ukraynada sülhə nail olmaq üçün addımların müzakirə olunacağı dialoq platformasının yaradılması planlaşdırılır.
“Bizə aydındır ki, konfransın nəticəsi olaraq biz sülh sazişi imzalamayacağıq. Sülh üçün hər iki tərəf danışıqlar masası arxasında olmalıdır”, – deyən Amherd Rusiyanın mümkün ikinci konfransda iştirak edə biləcəyini əlavə edib.
Eyni zamanda, İsveçrə prezidenti qeyd edib ki, qarşıdan gələn tədbir “sülh konfransı” deyil, “Ukraynada sülhə dair konfrans”dır.
