Şimali Atlantika Müqaviləsi Təşkilatının (NATO) sammiti iyulun 9-dan 11-dək ABŞ-da keçiriləcək.
Bu barədə alyansın mətbuat xidməti məlumat yayıb.
“ABŞ 2024-cü il iyulun 9, 10 və 11-də Vaşinqtonda NATO sammitinə ev sahibliyi edəcək. Sammitə NATO-nun baş katibi Yens Stoltenberq sədrlik edəcək”, – deyə məlumatda bildirilir.
Mətbuat xidmətindən əlavə ediblər ki, görüşün proqramı daha sonra açıqlanacaq.
Bundan əvvəl “Corriere della Sera” qəzeti NATO-nun ABŞ-da keçiriləcək sammitində Ukraynaya qoşun göndərməkdən imtina edəcəyini açıqlaya biləcəyini yazıb. Sammitdə onlar Ukraynanın Müdafiəsi üzrə Təmas Qrupuna sədrliyi ABŞ müdafiə naziri Lloyd Ostindən NATO-nun Brüsseldəki mənzil-qərargahına keçirməyi planlaşdırırlar.
Mənbə: Haber Global
