ARDNF-nin dövlət büdcəsinə transfertlərinin ümumi həcmi 146 milyard manatı ötüb

Azərbaycan Respublikası Dövlət Neft Fondu (ARDNF) 2024-cü il 1 aprel tarixinə ümumi 146 346,2 mln. manat həcmində vəsaiti dövlət büdcəsinə transfert edib.

Bu barədə "İki sahil" Dövlət Neft Fonduna istinadən xəbər verir.

Qeyd edək ki, bu ilin yanvar-mart aylarında ARDNF-nin 2024-cü il büdcəsinin icrası çərçivəsində 3 195,3 mln. manat vəsait dövlət büdcəsinə transfert edilib.

Əlavə etmək lazımdır ki, 2024-cü il mart ayının 31-nə ARDNF-nin aktivləri 2024-cü ilin əvvəlinə (56 069,7 mln. ABŞ dolları) nisbətən 2,3% artaraq 57 372,8 mln. ABŞ dolları təşkil edib.

Xatırladaq ki, ARDNF 29 dekabr 1999-cu il tarixində tarixli təsis edilib. Fond neft və qazdan əldə edilən gəlirlərin toplanmasını, səmərəli idarə edilməsini və gələcək nəsillər üçün saxlanmasını təmin edən xüsusi qurumdur. ARDNF büdcədənkənar, ayrıca dövlət təsisatıdır. Şəffaflıq ARDNF-nin fəaliyyətinin əsas prinsiplərindən biridir. Bu dövr ərzində ARDNF institusional cəhətdən yüksək səviyyədə inkişaf edib, beynəlxalq səviyyəli maliyyə təşkilatına çevrilib.