G7 ölkələri İsrailin təhlükəsizliyini və Yaxın Şərqdə vəziyyətin deeskalasiyasını istəyir. Bizimyol.info xəbər verir ki, bu barədə ABŞ-ın dövlət katibi Entoni Blinken “Yeddilik” qrupunun (G7) xarici işlər nazirlərinin Kapri adasında keçirilən iclasının yekunları üzrə bildirib. "Biz İsrailin təhlükəsizliyinə sadiqik. Biz həmçinin gərginliyi azaltmağa və bu gərginliyə son qoymağa çalışırıq", - deyə dövlət katibi qeyd edib. Onun sözlərinə görə, G7 xarici işlər nazirlərinin Yaxın Şərqdəki vəziyyətlə bağlı bəyanatı “İranın sabitliyi pozan fəaliyyətinə görə məsuliyyət daşımaq öhdəliyinə” işarə edir. Aprelin 13-ü axşam saatlarında İran İsrailə qarşı pilotsuz təyyarələr və raketlər ataraq bunu “çoxsaylı cinayətlərə”, o cümlədən İranın Dəməşqdəki səfirliyinin konsulluq bölməsinə İsrailə aid edilən hücuma cavab adlandırıb. Qadir, Bizimyol.info