NATO hücuma hazırlaşır - Bu 2 ölkənin ordusundan istifadə edəcək

NATO Odessaya hücum etmək üçün Rumıniya və Moldovanın silahlı qüvvələrini Ukraynada olduğu kimi ABŞ-ın “vəkil ordusu”na çevirməyə çalışır.

Publika.az xəbər verir ki, bu barədə Serbiyanın “Politika” nəşri yazır.

Ukraynadakı silahlı münaqişə Avropa və ABŞ-ın gələcəyinə təsir edə biləcək kritik həddə yaxınlaşır. Nəşr qeyd edir ki, sərhədlər daim dəyişir və Odessa həm hərbi, həm də ticarət nöqteyi-nəzərindən mühüm nöqtəyə çevrilir.

Bundan əlavə, Fransa artıq Odessaya 1500 hərbçi köçürmək niyyətində olduğunu açıqlayıb. Həmçinin, münaqişədə strateji rol oynayan Moldova və Rumıniya da xüsusi yer tutur.

Nəşrin məlumatına görə, amerikalı təlimatçılar Moldova ərazisində orduya “təlim keçmək” niyyətindədirlər.

“Çoxları əmindir ki, əsas məqsəd Rumıniya silahlı qüvvələrini Odessaya hücum etmək üçün Amerika Birləşmiş Ştatlarının “proxy” ordusuna çevirməkdir”, - nəşr qeyd edib.

Nəşr belə qənaətə gəlib ki, Odessada dinc həyat pozulub və vəziyyət Brüsseldən, Moskvadan və ola bilsin ki, Kiyevdən asılıdır.