"Azərbaycanda sistem dəyişməlidir, bu şəxslər pensiyaya daha tez ÇIXMALIDIR" - SOSİLOQ

Ötən günlərdə yeni dəyişikliyə əsasən, kişilərə münasibətdə qadın vəfat etdiyi və uşağın kişinin himayəsində olduğu və növbəti ailə qurduğu halda da kişilərin tələb olunan şərtlər daxilində 5 il erkən pensiya hüququ tanınacaq. Bəs Azərbaycan da əlilliyi olan şəxslər pensiyaya daha ərkən çıxa billərmi?

Məsələ ilə bağlı sosioloq Əhməd Qəşəmoğlu Sonxeber.az-a açıqlama verib.
O bildirib ki, Azərbaycanda pensiya siyasəti dəyişməlidir:

"Azərbaycanda pensiya siyasəti dəyişməlidir. İndiki pensiya sistemi dünyanın bir çox ölkələrində yaxşı qəbul olunmur. Çinin pensiya sitemi bu baxımdan çox yaxşıdır. Bizim pensiya sistemimizdə müəyyən səbəblərə görə insanlar pensiyaya çıxanda əlavə dəstəyə də ehtitacı olur. Ölkəmizdə də pensiya sistemini elə etməliyik ki, insanlara da dəstək olsun. Pensiyaya çıxan şəxslər bəzən, ömür boyu işləməyən insanlar olur. Azərbaycanda pensiya siyasətində ciddi dəyişikliklər olmalıdır".

Sosioloq əlilliyi olan şəxslərin pensiyaya çıxma yaşı barədə danışıb:

"Elə əlil insanlar var ki, onların yaşı artdıqca, fiziki durumları işləməyə daha çox mane olur. Təbii ki, həmin şəxslərin daha tez pensiyaya çıxmağı daha vacibdir. Çünki, həmin şəxs əlildir, yaş artdıqca vəziyyəti daha da pis olur. Amma elə əlillər də var ki, onların əmək qabiliyyətini davam etməsinə heç bir problem olmur. Bütün əlillərə bunu şamil etmək olmaz. Çünki bu zaman miqdar çox olur. Dövlətin bunu etməyə imkanı da olmaya bilər. Pensiya fondu insanların verdiyi vergiye görə formalaşır. Ölkədə işşiz adamlar və maaşlar az olanda pensiya fondu da aşağı olur. İş yerilərida maaşlar yüksək olsa, pensiya fondu da yüksək olar. Bu zaman müxtəlif koteqoriyadan olan insanların pensiya çıxma yaşlarını daha rahat həll edə bilərik. Amma hazırki dövrdə işsizlər də çoxdur, əməkhaqqı isə yüksək deyil. Ona görə də pensiya fondunun gəliri də yüksək deyil. Burada qarşılıqlı problemlər var. Yəni bir anda pensiyaların yaşının endirilməsi mümkün deyil. Burada müxtəlif iqtisadi proseslər var. Sadəcə bu məsələ işlənirsə ölkəmizdə pensiya yaşı ilə bağlı xeyli imkanlar var".