Azərbaycan Milli Elmlər Akademiyasının (AMEA) prezidenti İsa Həbibbəyliyə yeni vəzifə verilib.
Publika.az Modern.az-a istinadla xəbər verir ki, o, Azərbaycan Milli Ensiklopediyasının baş redaktoru vəzifəsinə gətirilib.
Baş redaktor Azərbaycan Milli Ensiklopediyasının məzmununa, elmi səviyyəsinə, materialların vaxtında hazırlanmasına ümumi rəhbərliyi həyata keçirir. O, həmçinin nəşrdə veriləcək məqalələrin hazırlanmasına yüksək ixtisaslı alim və mütəxəssislərin cəlb olunmasını təmin edir, nəşrlə bağlı sözlüklərin və metodiki vəsaitlərin müzakirəsini həyata keçirir, habelə onları təsdiq edir, həmçinin məqalə və materialların elmi səviyyəsini müəyyən edir, vaxtında hazırlanmasını təmin edir.
