1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Comex" birjasında (Nyu-York əmtəə birjasının bölməsi) 2024-cü ilin dekabrında tədarükü üçün qızıl fyuçerslərinin qiyməti öz tarixinin ən yüksək həddini yeniləyərək bir troy unsiyası (31,1034768 q - red.) üçün 2708.7 dollardan yuxarı satılır.
Oxu.Az xəbər verir ki, bu barədə ticarət platformasının məlumatında bildirilib.
Bakı vaxtı ilə saat 18:38-ə olan məlumata görə, qiymətli metalın qiyməti 1 troy unsiyası üçün 2710.3 dollar (+0,71%) təşkil edib. Bakı vaxtı ilə saat 18:53-də isə qızılın qiyməti bir unsiya üçün 2711.9 dollara (+0,77%) yüksəlib.
Qızıl fyuçerslərinin qiyməti sonuncu dəfə 26 sentyabr 2024-cü ildə bir troy unsiyası üçün 2708.7 dollara çatıb.
