"SpaceX" şirkəti ABŞ Federal Rabitə Komissiyasına "Starlink" peyk internet sisteminin sürətini dəfələrlə artırmaq planları barədə məlumat verib.
hakimiyyet.az-ın məlumatına görə, bu barədə "ArsTechnica" nəşri xəbər verir.
Məlumata görə, "Gen2" nəsil peyklərin buraxılış qabiliyyəti saniyədə təxminən 100 meqabitdən 1 giqabitə qədər artırılacaq. Qeyd olunur ki, bu məqsədlə "Gen2" aparatları "Gen1" nəsil peyklərində olduğu kimi 525, 530 və 535 km əvəzinə 480, 485 və 475 km hündürlükdə yerləşdiriləcək.
"SpaceX"in rəhbəri İlon Maskın sözlərinə görə, "Gen2" peykləri o qədər böyükdür ki, onların kütləvi buraxılışı yalnız "Starship" çoxistifadəli nəqliyyat sistemi ilə mümkündür.
