"Haval Jolion" krossoveri sentyabrın sonunda Rusiya bazarında SUV seqmentində (krossoverlər və yolsuzluq avtomobilləri) ən populyar modellər arasında liderliyini qoruyub saxlayıb.
Modern.az xəbər verir ki, ay ərzində Tula vilayətində istehsal olunan yolsuzluq avtomobili 9,7 min nüsxə satılıb.
Bu da keçən ilin sentyabr ayı ilə müqayisədə 64,8% çoxdur. Bundan sonra 2 "Chery" modeli - "Tiggo 7 Pro Max" və "Tiggo 4 Pro" krossoverləri (müvafiq olaraq 7,5 min və 5,6 min ədəd) gəlir. Dördüncü yeri SUV seqmentində ilk beşliyə qayıdan "Geely Monjaro" tutub və avqustda öz yerini "Lada Niva Travel"ə verdi. İlk 5-liyi 3,9 min avtomobillə "Changan CS55 Plus" krossoveri qapayıb.
SUV seqmentində ən çox satılan modellər onluğuna "Omoda C5" (3,8 min ədəd), "Lada Niva Travel" (3,7 min ədəd) və "Lada Niva Legend" (3,7 min ədəd), həmçinin "Haval M6" (3,6 min ədəd) və "Geely Atlas" (3,3 min ədəd) əlavə edilib.
Sentyabrda Rusiyada minik avtomobillərinin satışının mütləq reytinqində lider "Lada Granta" (15,9 min ədəd), ikinci yerdə isə "Lada Vesta" (10,5 min ədəd) qərarlaşıb.
