Onkologiya bütün xəstəliklər arasında ölümə görə ikinci yeri tutur. Xərçəngdən ölüm halları ürək-damar patologiyalarından sonra ikinci yerdədir.
Ucnoqta.az xəbər verir ki, həkim Sergey Aqapkin ən çox yayılmış növlərdən biri hesab edilən 17 xərçəng növünə tutulma ehtimalını azaldan bir içki açıqlayıb.
Həkimlər və elm adamları xərçəng hüceyrələri ilə mübarizə aparmağa və xəstəliyə müqavimət göstərməyə kömək etmək yollarını axtarırlar.
Reabilitasiya üzrə mütəxəssis Sergey Aqapkinin sözlərinə görə, xərçəngə səbəb olan bakteriyalarla mübarizə aparan içki var. Rusiya 1 kanalında o, zoğal suyunun faydalı xüsusiyyətlərindən danışıb.
Proqramda iştirak edən dietoloq Oleq Krivçenko qeyd etdi ki, ümumilikdə zoğal suyu 17 növ xərçəngdən, o cümlədən özofagus xərçəngi, mədə xərçəngi, kolon xərçəngi, prostat xərçəngi, glioblastoma, limfoma və digər növlərdən qoruya bilər.
Məsələ ondadır ki, zoğal bakteriyaların, o cümlədən Helicobacter pylori-nin fəaliyyətini azaldan antioksidantlarla zəngindir. Bu bakteriya mədə xərçənginin səbəblərindən biri adlanır.
Bundan əlavə, antioksidantlar vaxtından əvvəl qocalmadan qoruyur, iltihabı neytrallaşdırır və müxtəlif xəstəliklərə qarşı müqavimət göstərir.
