30 sentyabr 2024-cü il tarixində Bakı Fond Birjasının (BFB) Listinq Komitəsinin qərarı ilə "Kapital Bank” ASC-nin buraxılış həcmi 20,000,000 (iyirmi milyon) ABŞ dolları olan istiqrazları premium bazar seqmentində listinqə daxil edilib.
Bu barədə Fins.az-a BFB-dan məlumat verilib.
Qeyd olunan istiqrazların yerləşdirilməsi Bakı Fond Birjasında abunə yazılışı üsulu ilə həyata keçiriləcəkdir. Abunə yazılışı 30 sentyabr tarixindən başlayaraq 30 təqvim günü ərzində davam edərək 29 oktyabr tarixində yekunlaşacaq və yerləşdirmə 31 oktyabr tarixində baş tutacaq.
Qeyd: İstiqrazlar subordinasiya borc şəklində, 7 illik tədavül müddəti ilə buraxılır.
Subordinasiya borc öhdəlikləri - emissiya şərtlərinə görə ödəmə vaxtı çatdıqda ödənilən, bankın aktivlərinin girovu ilə təmin edilməyən, mülkiyyətçisinin tələbi ilə geri alınmayan, bank ləğv edilərkən onların ödənilməsi əmanətçilərin və bankın digər kreditorlarının tələbləri tam ödənildikdən sonra icra olunan öhdəliklər.
İstiqrazların emissiya prospektini BFB-nin internet səhifəsində “Emitentlərin profili” (//www.bfb.az/az/emitentler) bölməsindən əldə edə bilərsiniz.
İstiqrazlar üzrə məlumat aşağıdakı kimidir:
|
Emitentin adı |
"Kapital Bank” ASC |
|
Dövlət qeydiyyat nömrəsi – İSİN |
AZ2014005154 |
|
İstiqrazın növü və forması |
İstiqraz faizli, təmin edilməmiş sənədsiz adlı |
|
Ticarət üsulu/forması |
Kütləvi/Abunə yazılışı |
|
İstiqrazın sayı |
200,000 (ədəd) |
|
İlkin ticarət qiyməti |
100 ABŞ dolları |
|
Buraxılış həcmi |
20,000,000 ABŞ dolları |
|
İllik gəlirlilik faizi |
7% |
|
Ödəmə Periodu |
ildə günlərin sayı 360 (üç yüz altmış) olaraq götürülməklə) hər 30 (otuz) təqvim gününün başa çatması tarixindən növbəti 3 (üç) iş günündən gec olmayaraq |
|
Tədavül müddəti |
7 il |
|
Ticarətə buraxılma tarixi |
31.10.2024 |
|
Anderrayter |
“PAŞA Kapital İ.Ş” QSC |
Zemfira Ms
Fins.az
