Bakı, 30 sentyabr, AZƏRTAC
Azərbaycanın yeniyetmə qılıncoynadanı Leyla Əhmədova Avropanın "Cadet Circuit" turnirinin Gürcüstanın paytaxtı Tbilisi şəhərində keçirilmiş mərhələsində bürünc medal qazanıb.
Azərbaycan Qılıncoynatma Federasiyasından AZƏRTAC-a verilən məlumata görə, son yarış günündə qılıncoynatmanın sablya növü üzrə yeniyetmə qızların şəxsi yarışında mükafatçılar müəyyənləşib.
Qrup mərhələsini 3 qələbə ilə başa vuran L.Əhmədova pley-offda Gürcüstan və Türkiyə təmsilçilərinə qalib gəlsə də, finalın bir addımlığında Yunanıstan sablyaçısına uduzub.
Yarımfinala yüksəlməklə bürünc medalı təmin edən Leyla turniri üçüncü sırada başa vurub.
