Türkiyənin 1-ci liqasının 7-ci turunda həmyerlilərimizin komandaları üz-üzə gəlib.
"Football-plus.az" xəbər verir ki, Coşqun Diniyevlə Renat Dadaşovun komandaları münasibətlərə aydınlıq gətirib.
Coşqunun start heyətində yer aldığı "Bandırmaspor" "Ankaragücü"nü 2:0 hesabı ilə məğlub edib. Diniyev 83-cü dəqiqədə əvəzlənib. Renat Dadaşov isə meydana sonradan daxil olub. 59-cu dəqiqədə şans qazanan hücumçu komandasını məğlubiyyətdən xilas edə bilməyib.
Qeyd edək ki, "Bandırmaspor" 11 xalla 5-ci, "Ankaragücü" 9 xalla 13-cü pillədə qərarlaşıb.