Türkiyə BRİKS-ə üzv olmaq üçün rəsmi müraciət edib.
Vətəninfo.az xəbər verir ki , bu barədə Bloomberg məlumat yayıb.
Agentliyin qeyd etdiyi kimi, bu yolla Türkiyə dünyada nüfuzunu gücləndirməyə və inkişaf etməkdə olan ölkələrlə əlaqələri genişləndirməyə çalışır.
Bloomberg-in məlumatına görə, assosiasiyanın genişləndirilməsi məsələsi oktyabrın 22-24-də Kazanda keçiriləcək BRİKS-in qarşıdakı sammitində müzakirə oluna bilər.
Türkiyənin xarici işlər naziri Hakan Fidan yayın əvvəlində Ankaranın assosiasiyaya qoşulmaq istədiyini bildirib.
Bundan əvvəl Azərbaycan da BRİKS-ə qoşulmaq üçün ərizə verib.
Təşkilat Braziliya, Rusiya, Hindistan, Çin və Cənubi Afrikanın qurucu ölkələrinin ingiliscə baş hərflərindən sonra BRİKS adlanır. Hazırda təşkilata 9 ölkə daxildir: Braziliya, Rusiya, Hindistan, Çin, Cənubi Afrika, Misir, İran, Efiopiya və Birləşmiş Ərəb Əmirlikləri.
