Ukrayna Xarici İşlər Nazirliyi Nigerin Ukrayna ilə diplomatik əlaqələri kəsmək qərarının "Rusiya ilə həmrəylik" məqsədi ilə qəbul edildiyini iddia edib.
Turkustan.az xəbər verir ki, nazirlikdən verilən açıqlamada Niger səlahiyyətlilərinin Malidəki hadisə ilə bağlı heç bir araşdırma aparmadan və heç bir sübut təqdim etmədən Ukrayna ilə diplomatik əlaqələri kəsmə qərarının təəssüf doğurduğu bildirilib.
Bəyanatda Ukraynanın “beynəlxalq terrorizmi dəstəklədiyi, BMT Nizamnaməsini və beynəlxalq hüququ pozduğu” iddialarının tamamilə əsassız və real olmadığı vurğulanıb.
Açıqlamada Nigerin qəbul etdiyi qərarın “Rusiya ilə həmrəylik jesti” olduğu iddia edilərək, “Biz belə bir qərarın terror dövləti olan Rusiya Federasiyası ilə yaxınlaşma yolunu seçmiş şəxslərin “həmrəylik” jesti olduğuna inanırıq. iki ildən artıqdır ki, Ukraynaya qarşı bütövlükdə işğalçılıq müharibəsi aparır”.
Bəyanatda Ukraynanın ölkələrin suverenliyinə və ərazi bütövlüyünə hörmət etdiyi, daxili işlərinə qarışmadığı, Afrika ölkələri ilə məhsuldar əlaqələr saxlamaq əzmində olduğu vurğulanıb.
Niger dünən Tuareg üsyançıları ilə Mali ordusu arasında münaqişədə üsyançılara kəşfiyyat dəstəyi verməkdə ittiham etdiyi Ukrayna ilə diplomatik əlaqələri kəsdiyini açıqlayıb.
Hökumət sözçüsü polkovnik mayor Amadu Abdramane dövlət televiziyasına verdiyi açıqlamada Kiyevin “beynəlxalq terrorizmi dəstəklədiyini” və bu “təcavüz aktlarını” pislədiklərini bildirib.
Abdramane, Mali hökuməti və xalqı ilə həmrəy olaraq Ukrayna ilə diplomatik əlaqələri kəsdiklərini açıqlayıb.
Ukrayna isə qiyamçıları dəstəklədiyi iddiasını təkzib edib.
Eltac Zülfüqaroğlu/Turkustan.az
