Azərbaycanın Yunan-Roma güləşçisi Həsrət Cəfərov (67 kq) Paris-2024 Yay Olimpiya Oyunlarında mübarizəyə başlayıb.
Sportinfo.az xəbər verir ki, o, 1/8 finaldan yarışa qoşulub. H.Cəfərov (21 yaş) Mohamed Elsayedlə (Misir) üz-üzə gəlib.
Həsrət ikiqat Avropa çempionu (2023 və 2024-cü illər), dünya çempionatının gümüş və bürünc mükafatçısıdır. Elsayed (26 yaş) Tokio-2020 Olimpya Oyunlarının bürünc mükafatçısı və Afrika çempionatının beşqat qalibidir.
H.Cəfərov 9:0 hesablı (tam üstünlüklə) inamlı qələbə qazanaraq 1/4 finala vəsiqə qazanıb.
Bu mərhələ onun rəqibi Valentin Petiç (Moldova) olub. H.Cəfərov 3:1 hesabı ilə qalib gələrək yarımfinala vəsiqə qazanıb.
Yarımfinalda onun rəqibi Ukraynanı təmsil edən başqa bir azərbaycanlı Pərviz Nəsibov olub. Rəqib sonuncu xal prinsipinə (3:3) əsasən finala yüksəlib.
Həsrət yarımfinala gedən yolda Mate Nemes (Serbiya) və Amantur İsmayılova (Qırğızıstan) qalib gəlib.
P.Nasibov Tokio-2020 Olimpiya Oyunlarının gümüş mükafatçısıdır.H.Cəfərov bu gün bürünc medal uğrunda mübarizə aparacaq.
