Türkiyənin Marmarıs bölgəsində turistlər üçün nəzərdə tutulan gəmin yanması nəticəsində xəsarət alanların sayı artıb.
“Report” xəbər verir ki, bu barədə Türkiyənin Nəqliyyat Nazirliyi məlumat yayıb.
Qeyd olunub ki, “Eagles” adlı gəmidə baş verən yanğında 96 sərnişin və 17 ekipaj üzvü təxliyə edilib. Vurğulanıb ki, 3-ü ağır olmaqla 17 nəfər yaralanıb. Gəmi tamamilə batıb və hazırda inzibati araşdırma aparılır.
