O qeyd edib ki, İrəvan Vaşinqtonla "irəli getməyə imkan verməyən” hüquqi bazanı müzakirə edir.
"Mən deyə bilərəm ki, top ABŞ meydançasındadır. Biz gözləyirik ki, ABŞ-da daxili prosedurlar başa çatacaq, bundan sonra biz işə başlayacağıq”, - Qriqoryan bildirib.
Təhlükəsizlik Şurasının katibi əlavə edib ki, Ermənistan təhlükəsizlik sahəsində etdiyi kimi beynəlxalq tərəfdaşlarla iqtisadi əlaqələri şaxələndirməyə çalışır.
Bundan əvvəl Qriqoryan bildirib ki, o, ABŞ prezidentinin milli təhlükəsizlik üzrə köməkçisi Ceyk Sallivanla iki ölkə arasında təhlükəsizlik sahəsində əməkdaşlıq barədə danışıb. Bundan əlavə, o qeyd edib ki, ölkələr Ermənistanın müdafiə qabiliyyəti, təhlükəsizliyi və davamlılığı potensialının artırılmasında ABŞ-ın yardımı mövzusuna toxunub.
Bundan əvvəl Rusiyada təxribatlara cavab olaraq Ermənistanı KTMT-dən çıxarmaq barədə fikirlər səsləndirilib.
N.Təbrizli
www.anews.az
