Hindistanın şimal-şərqinə təsir edən leysan yağışlar səbəbindən bölgədə 300 mindən çox insan su altında qalan evlərini tərk edib. Yağışların səbəb olduğu daşqın və sürüşmələr nəticəsində iki həftə ərzində 16-dan çox insan həyatını itirib.Səlahiyyətlilər yağışlardan ən çox zərər çəkən əyalətlərdən biri olan Assamda xilasetmə işlərində Hindistan ordusunun da iştirak etdiyini bildirib. Bu çərçivədə Asiyanın ən böyük çaylarından biri olan Brahmaputrada kiçik bir adada 4 gündür qapalı qalan 13 balıqçının hərbi helikopterlə təhlükəsiz bölgəyə yerləşdirildiyi bildirilib.Çanqlanq rayonunda su basmış məktəbdən 70 şagird və müəllim xilas edilib. Sikkim, Manipur və Meqalaya ştatlarında yollar və körpülər zədələnib.Rəsmi məlumatlara görə, may ayının sonundan bəri ölkənin şimal-şərqində 6 ştatda daşqın və torpaq sürüşməsi nəticəsində 80-dən çox insan həlak olub.Hər il iyun-sentyabr ayları arasında baş verən musson yağışları bölgəyə böyük ziyan vurur. Alimlər son illərdə Banqladeşdə və Hindistanın şimal-şərq bölgələrində müşahidə edilən nizamsız və həddindən artıq yağışların iqlim dəyişikliyi ilə bağlı olduğu fikrini bölüşürlər.
