Rusiya Silahlı Qüvvələrinin Baş Qərargah rəisi Valeri Gerasimov və Təhlükəsizlik Şurasının katibi Sergey Şoyqu haqqında Beynəlxalq Cinayət Məhkəməsinin (ICC) həbsinə order verməsi beynəlxalq hüquqa ziddir.
Oxu24.com xəbər verir ki, bunu Rusiya Təhlükəsizlik Şurasının sədr müavini Dmitri Medvedev Sankt-Peterburq Beynəlxalq Hüquq Forumunun (SPBILF) plenar iclasında deyib.
Siyasətçi bildirib ki, yenilərini yaratmaq yox, mövcud hüquq normalarını düzgün tətbiq etmək lazımdır. “Məncə, yeganə problem odur ki, bütün dünya normaların işləməməsi faktı ilə üzləşəndə hadisələrin inkişafı üçün iki variant var: ya mövcud normaları gücləndirməyə çalışmaq, ya da yenə də başqa bir şey yaratmağa çalışmaq. buna hörmətlə yanaşılacaq”, - deyə o bildirib.
Bundan əvvəl Rusiya prezidentinin mətbuat katibi Dmitri Peskov BCM-nin Şoyqu və Gerasimov haqqında həbs qərarlarını absurd adlandırıb. Kreml nümayəndəsi xatırladıb ki, Moskva bu məhkəmənin yurisdiksiyasını tanımır.
İyunun 25-də BCM-in İstintaq Palatasının Şoyqu və Gerasimov barəsində həbs qərarı çıxarması faktı məlum olub. Palatanın hesabatında bildirilir ki, Təhlükəsizlik Şurasının katibi və Rusiya Baş Qərargah rəisi “mülki infrastruktura zərbələr”, eləcə də “insanlığa qarşı cinayətlər”ə görə cinayət məsuliyyətinə cəlb edilməlidir.
2023-cü ilin martında BCM Rusiya prezidenti Vladimir Putin və uşaq ombudsmanı Mariya Lvova-Belovanın həbsinə orderlər verib və bu qərarın guya “uşaqların Ukraynadan qanunsuz çıxarılması” ilə bağlı olduğunu izah edib.
Miri
