Kişi basketbolçulardan ibarət “Sabah” klubunun Çempionlar Liqasındakı rəqibləri bəlli olub.
İdman.biz xəbər verir ki, Azərbaycan çempionunun qarşılaşacağı komandalar bu gün İsveçrədə keçirilən püşkatmada müəyyənləşib.
Bakı klubu təsnifat mərhələsində İsveçin “Norrçepinq Dolfins” klubu ilə üz-üzə gələcək. Bu raundun qarşılaşmaları sentyabrın 15-22-də təşkil olunacaq.
“Sabah” mərhələ adlasa, müntəzəm mövsümdə mübarizə aparacaq.
Qeyd edək ki, Azərbaycan tarixində ilk dəfə Çempionlar Liqasında oynayacaq paytaxt təmsilçisi təsnifat mərhələsini keçə bilməsə, yoluna Avropa kubokunda davam edəcək.
İdman.biz
