Azərbaycanın bank sektorunun aktiv üzvlərindən olan dövlət bankı «Rabitəbank» və «Expressbank»da personala ödənilən orta aylıq əmək haqları məlum olub.
FED.az-ın hesablamasına görə, 2023-cü ilin nəticələrinə görə, «Rabitəbank»da bir işçiyə çəkilən orta aylıq əmək haqqı xərci 2 339 manat təşkil edib. «Expressbank»da isə bir işçiyə çəkilən orta aylıq əmək haqqı xərci 2 330 manat olub.
Xatırladaq ki, ümumilikdə 2023-cü ildə «Rabitəbank»da işçilərin əmək haqqı xərclərinə 29,2 milyon manat sərf edilib. «Expressbank»da isə bu məbləğ 19,9 milyon manat olub.
