ABŞ-ın Arkanzas ştatının Fordays şəhərində atışma nəticəsində 4 nəfər həlak olub.
APA xəbər verir ki, bu barədə hüquq-mühafizə orqanlarının əməkdaşlarına istinadən “Associated Press” məlumat yayıb.
“Atışma zamanı həlak olanların hamısı mülki şəxslərdir”, - məlumatda deyilir.
Həmçinin 14 nəfər yaralanıb. Onların arasında 11 mülki şəxs, iki polis əməkdaşı və bir şübhəli var.
