Xaqani Məmmədova 2 illik şərti cəza

Xaqani Məmmədov “Oyunların toxunulmazlığı” Komissiyasının təlimatını pozduğuna görə 2 il müddətinə şərti cəzalandırılıb. AFFA İntizam Komitəsinin iclası keçirilib. Matc.az xəbər verir ki, iclasda Azərbaycan yığmasının sabiq hücumçusu Xaqani Məmmədovla bağlı qərar qəbul edilib. Azərbaycan Misli Premyer Liqasında sonuncu dəfə “Araz-Naxçıvan” klubunda məşqçi işləmiş 48 yaşlı Məmmədov Xaqani Nürəddin oğlu “Oyunların toxunulmazlığı” Komissiyasının təlimatını pozduğuna görə 2 il müddətinə şərti cəzalandırılıb. Sınaq müddəti 24 ay təyin edilib.