Yəmənin üsyançı Ənsar Allah hərəkatının husiləri Qırmızı dənizdə Britaniya Hərbi Dəniz Qüvvələrinə məxsus HMS Diamond esminesinə ballistik raket zərbələri endirib.
Ucnoqta.az xəbər verir ki, bu barədə husi ordusunun sözçüsü Yəhya Sariya bildirib.
“Yəmənin raket qüvvələri bir neçə ballistik raketdən istifadə etməklə Qırmızı dənizdə Britaniyanın “HMS Diamond” esminesinə qarşı əməliyyat keçirib”, - deyə “Al Masirah” telekanalı onun sözlərini sitat gətirib.
Sarianın sözlərinə görə, birbaşa zərbə qeydə alınıb.
