Basketbolun 3x3 növü üzrə kişilərdən ibarət Azərbaycan millisi Avropa kubokunun təsnifat mərhələsində ilk matçını keçirib.
İdman.biz xəbər verir ki, yığmamız Ermənistanla qarşılaşıb.
Görüş Kosovonun paytaxtı Priştinada yarışın təsnifat mərhələsinin I turunda baş tutub. Millimiz rəqibini darmadağın edib - 21:9.
Turnirə qələbə ilə başlayan yığmamız bu gün daha üç matça çıxacaq. Cordan Deangelo Devis, Amil Həmzəyev, Cəbrayıl Əkbərov və Endar Poladxanlıdan ibarət komandamız ev sahibləri, Kipr və Albaniya ilə üz-üzə gələcək.
Avropa kuboku
Təsnifat mərhələsi
8 iyun
11:30. Ermənistan – Azərbaycan - 9:21
Qeyd edək ki, iyunun 8-9-da keçiriləcək oyunlarda ilk pillənin sahibi birbaşa Avropa kubokunun həlledici mərhələsinə vəsiqə qazanacaq. Qrup ikinciləri və üçüncüləri mərhələ adlayacaq növbəti komandanı müəyyənləşdirəcək.
İdman.biz
