Misir BRİKS ölkələri ilə əməkdaşlığı gücləndirməyə sadiqdir. Assosiasiyaya üzvlük digər Afrika dövlətləri ilə ticarəti sadələşdirəcək.
Valyuta.az xəbər verir ki, bu barədə RİA Novosti-yə planlaşdırma və iqtisadi inkişaf naziri Hala əl-Səid bildirib.
“Misir coğrafiyası, azad ticarət müqavilələri, liman və yollara investisiyaları ilə BRİKS üçün mühüm tərəfdaşdır. O, Afrikaya keçid və qapıya çevriləcək və bir sıra ölkələrlə ticarəti asanlaşdıracaq”, - deyə əl-Səid bildirib.
O, Misirin infrastrukturun yaxşılaşdırılmasına böyük dövlət investisiyaları yatırdığını qeyd edib.
"Biz investisiyaları sadələşdirmək və xarici ticarəti stimullaşdırmaq üçün BRİKS ölkələri ilə daha geniş qarşılıqlı fəaliyyətə ümid edirik", - nazir vurğulayıb.
Rusiya yanvarın 1-dən BRİKS-ə sədrlik edir. Assosiasiyaya yeni üzvlər - Misir, Efiopiya, İran, BƏƏ və Səudiyyə Ərəbistanı daxildir. Genişlənmədən sonra BRİKS-ə üzvlük 3,6 milyard əhalisi olan 10 ölkəyə qədər artıb - dünyanın demək olar ki, yarısı.
Bu dövlətlərin payına dünya neft hasilatının 40%-dən çoxu və mal ixracının təxminən 25%-i düşür.
Nicat
