Tərtər rayonunda mina partlayışı baş verib.
Sabah.az xəbər verir ki, hadisə bu gün Həsənqaya kəndi ərazisində qeydə alınıb.
Belə ki, 1965-ci il təvəllüdlü Hacıyev Arzu Nəcəf oğlu keçmiş təmas xətti yaxınlığında, minalardan təmizlənməmiş ərazidə heyvan otararkən minaya düşüb. O, aldığı xəsarətlərdən hadisə yerində həyatını itirib.
Faktla bağlı Tərtər Rayon Prokurorluğunda araşdırma aparılır.
