Qaraciyərin əsas vəzifəsi istehlak etdiyimiz qidaları bədənimizin faydalana biləcəyi komponentlərə çevirməkdir. O, həmçinin bədəndəki bütün toksinlərin parçalanmasını təmin edir. Özünü yeniləmək qabiliyyətinə malik olan bu orqan sağlam və uzun ömür üçün diqqətlə qorunmalıdır.
Ucnoqta.az xəbər verir ki, qaraciyərə zərər verən və mütləq qaçınılması lazım olan qidalar...
Mindən çox fermentin istehsalında iştirak edən qaraciyər qan şəkərini normal səviyyədə saxlayaraq və müəyyən hormonları tənzimləyərək bir çox mühüm funksiyaları yerinə yetirir. Həyati vacib orqanlardan biri olan qaraciyərin sağlamlığının qorunmasının açarı düzgün qidalanmadır.
Çin duzu
Bir çox qablaşdırılmış hazır qidalarda olan Çin duzu qaraciyərdə iltihaba səbəb ola bilər.
Monosodium glutamat kimi də tanınan bu tərkib hissəsi hidrolizə edilmiş bitki mənşəli protein, maya ekstraktı, Çin duzu və ya soya ekstraktı kimi müxtəlif adlar altında qablaşdırmada görünə bilər.
Sağlam bir alternativ olaraq, qablaşdırılmış qidalar yerinə öz qəlyanaltılarınızı evdə hazırlamağınız daha yaxşı olardı.
Cipsi
Tərkibində yüksək miqdarda zərərli yağ olan çipslər qaraciyərin ən böyük düşmənlərindəndir.
Trans yağları və yüksək duz tərkibi ilə çipslər diabet, insult və ürək xəstəliklərinə səbəb ola bilər.
Hazır konservlər
Konservləşdirilmiş məhsulların daha uzun müddət dayanması üçün yüksək miqdarda duz ehtiva edir.
Duz qaraciyər üçün ən zərərli maddələrdən biridir.
Buna görə də qaraciyərin sağlamlığını qorumaq üçün konservləşdirilmiş qidalardan mümkün qədər uzaq durmaq lazımdır.
Fəstfudlar
Kartof qızartması, hamburger, pizza kimi ləzzətlər çoxumuz üçün əvəzolunmaz olsa da, qaraciyərimiz üçün kifayət qədər zərərlidir.
Bu növ qidalar həddindən artıq və yüksək doymuş yağ tərkibinə görə qaraciyərin həzmdə əlavə səy göstərməsinə səbəb olur.
Onlar həmçinin çəki artımına və qaraciyərin yağlanmasına səbəb olur.
Şəkər
Həddindən artıq şəkər istehlakı təkcə dişlərinizə zərər vermir, həm də qaraciyərinizə mənfi təsir göstərir.
Orqanlarımız yağ istehsal etmək üçün fruktoza adlanan bir növ şəkərdən istifadə edir.
Rafine şəkər və fruktoza qarğıdalı siropunun həddindən artıq istehlakı qaraciyərdə piylərin yığılmasına səbəb olur və müxtəlif xəstəliklərə dəvət edir.
Desertlər
Çoxumuzun həzz aldığı desertlər əslində yüksək miqdarda rafine şəkər ehtiva edir.
Qaraciyər şəkərin yağa çevrilməsindən məsuldur və həddindən artıq şəkər istehlakı qaraciyərdə artıq piylərə səbəb olur.
Qazlı içkilər
Qazlı içkilərin vaxtaşırı istehlakı qaraciyərə zərər kimi görünməsə də, davamlı istehlak ciddi nəticələrə səbəb ola bilər.
Sodanın daimi istehlakı qaraciyərin bir çox ağırlaşmalarının inkişafında mühüm rol oynayır.
Bundan əlavə, davamlı soda istehlakının kilo alma və piylənmənin əsas səbəblərindən biri olduğu bilinir.
Çörək
Çörək süfrələrimizin vazkeçilməz maddələrindən biri olsa da, əslində qaraciyər sağlamlığımız üçün heç də faydalı deyil.
Tərkibindəki yüksək miqdarda təmizlənmiş taxıllar bədəndə sürətlə şəkərə çevrilir və qaraciyərə ağır təsir göstərə bilər.
Hazır paket qidalar
Vafli, şokolad və peçenye kimi hazır qəlyanaltıların dadı danılmazdır, lakin onların tərkibindəki maddələr çox vaxt məlum olmur.
Quru meyvə
Üzüm və quru ərik kimi sevimli qidalar qaraciyərə mənfi təsir göstərə bilər.
Onların tərkibində olan meyvə şəkəri, yəni fruktoza, həddindən artıq istehlak edildikdə qanınızdakı yağ səviyyəsini artıra bilər.
Qaraciyər sağlamlığını qoryan qidalar
Yüksək lifli qidalar qaraciyərin optimal işləməsini təmin edir.
Səhər yeməyində yeyə biləcəyiniz bir kasa yulaf ezmesi sağlam bir seçim ola bilər. Bu, nəinki daha sağlam yemək, həm də uzun müddət tox qalmağınıza kömək edir.
