Asif Məmmədova “Qəbələ”nin 250 nömrəli forması təqdim olunub. Manset.az xəbər verir ki, “qırmızı-qaralar”ın kapitanına hədiyyənin təqdimat mərasimi Misli Premyer Liqasının 35-ci turunun “Araz-Naxçıvan”la matçından əvvəl olub. "Qəbələ"nin heyətində keçirilən oyun sayında ikinci olan 38 yaşlı yarımmüdafiəçi yubiley qarşılaşmasına ötən tur çıxıb. O, 34-cü turun “Sabah”la evdəki görüşündə 250-ci dəfə "Qəbələ"nin formasını geyinib. Qeyd edək ki, Asif Məmmədov “Qəbələ” formasında keçirdiyi 250 oyunda 17 qol vurub. O, Premyer Liqada 195 matçda 13, Azərbaycan kubokunda 31 görüşdə 3, avrokubokların 24 qarşılaşmasında rəqib qapısına yol tapıb.
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
