Narkotik maddələrin yayılmasına görə qanunsuz olaraq məhkum olunmuş 15 yaşlı Ufalı yeniyetmə mənəvi zərərin ödənilməsi üçün iddia qaldırıb.
Ucnoqta.az xarici mətbuata istinadən xəbər verir ki, o, 100 milyon rubl təzminat istəyir.
Bildirilir ki, 2022-ci ilin fevralında Kostya anası ilə birlikdə saxlanılıb, oradan 30 bağlama qadağan olunmuş maddə aşkar edilib. Oğlan günahını etiraf etməyib və müstəntiqlərə anasının nə etdiyini bilmədiyini deyib. 15 yaşı olmasına baxmayaraq, Ufa şəhərinin Demski rayon məhkəməsi Kostyanı islah koloniyasında üç il müddətinə azadlıqdan məhrum edib. Məhkəmədən dərhal sonra oğlan nəzarətə alınıb və 2022-ci ilin dekabrında istintaq təcridxanasına, sonra isə Perm bölgəsindəki koloniyaya göndərilib.
Yalnız 2024-cü ilin aprelində Başqırdıstan Respublikasının Ali Məhkəməsi yeniyetmənin yaşına görə onun məhkum olunmaq hüququnun olmadığını tanıdı və cinayət işini ləğv edib. Kostya 474 gün həbsdə qalıb.
İndi yeniyetmə kompensasiyaya ümid edir. İddiada göstərildiyi kimi, haqsız təqiblərə görə Kostyanın dostları ondan üz döndərdi, qohumları onu “tam narkoman” hesab etdilər, sinif yoldaşları ilə məktəbi bitirə bilmədi və depressiyaya düşdü.
