NATO-nun baş katibi Yens Stoltenberq bildirib ki, Çinin dəstəyi sayəsində Rusiyanın Ukraynaya qarşı işğalçılıq müharibəsini davam etdirmək imkanı var.
Qaynarinfo xəbər verir ki, o, bunu NATO-nun gənclər sammitində çıxışı zamanı deyib.
Stoltenberq qeyd edib ki, Çin Rusiya Federasiyasına raketlər, pilotsuz uçuş aparatları və digər silahların istehsalı üçün elektronika və texnologiyalar verir.
"Rusiyaya Avropada Ukraynaya qarşı işğalçı müharibə aparmağa icazə verən əsas ölkə Çindir. Bu, Rusiyanın ən böyük ticarət tərəfdaşıdır. Onlar öz silahları, mikroelektronika, qabaqcıl texnologiyalar üçün kritik komponentlər verir ki, bu da Rusiyaya raketlər, pilotsuz təyyarələr, onların Ukraynaya qarşı müharibəsi üçün açar olan bir çox başqa şeylər istehsal etməyə imkan verir”, - NATO-nun baş katibi bildirib.
O, həmçinin İranın, xüsusilə pilotsuz təyyarələrin, eləcə də sursat və silah tədarük edən Şimali Koreyanın Rusiyaya verdiyi dəstəyə diqqət çəkib.
"Beləliklə, Rusiyanın Asiyadakı dostları, İran, Şimali Koreya və Çin Rusiyanın avropalı dostuna, NATO qonşusuna qarşı döyüşmək qabiliyyətinin açarıdır”, - Stoltenberq əlavə edib.
Bu kontekstdə Stoltenberq qeyd edib ki, "Asiya və Avropanı ayıra biləcəyimiz ideyası artıq işləmir”.
"Onlar bir-birinə bağlıdır, buna görə də biz də əlbəttə ki, Çinin təhlükəsizliyimiz üçün yaratdığı çətinliklərlə üzləşməliyik", - o deyib.
Yada salaq ki, ABŞ dövlət katibi Antoni Blinken Çini Rusiyanın müdafiə sənayesini dəstəklədiyinə görə tənqid edərək demişdi ki, Pekin hazırda Rusiya Federasiyasının Ukraynaya qarşı apardığı işğalçılıq müharibəsi üçün kritik komponentlərin əsas təchizatçısıdır.
Öz növbəsində ABŞ-ın NATO-dakı səfiri Julianne Smit Çini Rusiyaya Ukraynada hərbi məqsədlərə çatmaqda kömək etməkdə ittiham edib, belə ki, Pekin dron texnologiyası və ya barıt komponentləri kimi malların satışına davam edir.
Eyni zamanda, ABŞ Çinin Rusiyaya birbaşa hərbi dəstək verdiyinə dair heç bir sübut görmür.
Alpər
