“Google”-un nəzarətində olan “Waymo” şirkəti robot taksilərini aktiv şəkildə sınaqdan keçirməyə davam edir.
Publika.az xəbər verir ki, şirkət “X” hesabındakı paylaşımında üç şəhərdə hər həftə 50 mindən çox pullu taksi xidməti həyata keçirdiyini bildirib.
Lakin “Waymo” kimi startaplar ənənəvi taksilər üçün risk yaradır. Media yazır ki, “Waymo” robot taksiləri də qüsursuz deyil. Məsələn, bu taksi San-Fransiskoda avtomagistralda nəqliyyatın hərəkətini dayandırıb, arxa-arxaya pikap maşınına çırpılıb.
