Türkiyədə şagirdlərin olduğu avtobus dərəyə aşıb.
7News.Az "Haber Global”a istinadən xəbər verir ki, hadisə Antalya şəhərində baş verib.
Belə ki, içərisində 22 şagird və 2 müəllimin olduğu mikroavtobus yağış səbəbindən idarəetmədən çıxaraq dərəyə aşıb.
Qəza nəticəsində 25 nəfər xəsarət alıb. Hadisə yerinə təcili tibbi yardım avtomobilləri, polis və jandarma qrupları sövq edilib.
Xəstəxanaya aparılan yaralıların həyati təhlükəsi yoxdur.