Hansı şəhərdə milyarder daha çoxdur? - Siyahı

Milyarderlərin əksəriyyəti Nyu-Yorkda yaşamağa üstünlük verirlər. 

Bakıvaxtı.az "CNN"ə istinadən bildirir ki, bu, beynəlxalq daşınmaz əmlak məsləhəti şirkəti "Henley & Partners"in illik "Dünyanın Ən Zəngin Şəhərləri Hesabatı"nda yer alıb.

Hesabat 2024-cü il üçün 10 şəhər üzrə sərvəti 1 milyon dollar və ya daha çox olan şəxslərin sayına görə tərtib olunub. 

Siyahıda Pekin 42 milyarderlə 10-cu, Honq-Konq 35 milyarderlə 9-cu, Sidney 20 milyarderlə 8-ci, Fransa 23 milyarderlə 7-ci, Los-Anceles 43 milyarderlə 6-cı, London 35 milyarderlə 5-ci, Sinqapur 30 milyarderlə 4-cü, Tokio 12 milyarderlə 3-cü yeri tutub. 

ABŞ-nin San-Fransisko və Nyu-York şəhərləri isə siyahıda ilk iki yerdədir. San-Fransiskoda 305 min 700 milyonçu və 68 milyarder var. Nyu-Yorkda isə 349 min 500 milyonçu və 60 milyarder yaşayır.

Gülşən Şərif