Rusiya ölkənin ən böyük makaron istehsalçısını milliləşdirdi

Prezident Vladimir Putinin ölkədə 1990-cı illərdəki özəlləşdirmənin nəticələrinə yenidən baxılmayacağına dair vədlərinə baxmayaraq, Rusiya hakimiyyəti iri şəxsi biznes aktivlərinin sürətlə milliləşdirilməsi istiqamətində öz kursunu davam etdirir.

Dəyəri bir trilyon rubldan çox olan 15 müdafiə zavodu və daha üç yüz müəssisədən sonra ölkənin ən böyük makaron istehsalçısı olan Makfa ASC dövlət mülkiyyətinə keçdi.

Çərşənbə günü Çelyabinsk Mərkəzi Dairə Məhkəməsi Baş Prokurorluğun Makfa və onun törəmə şirkətlərinin bütün aktivlərinin dövlət gəlirinə çevrilməsi ilə bağlı iddiasını təmin edib, vəkil İqor Trunov İnterfaks-a bildirib.

İddia ərizəsində Baş Prokurorluq iddia edib ki, “Makfa” və onlarla digər müəssisə, o cümlədən “Smak” və “Çelyabinskoblqaz” milliləşdirilməlidir, çünki onların benefisiarları Mixail Yureviç və Vadim Belousov eyni vaxtda dövlət orqanlarında işləyərkən sahibkarlıq fəaliyyəti həyata keçirmişlər.

Ülviyyə, Hurriyyet.az