Acun: "Türkiyəli baş məşqçi ilə çalışmaq istəmirəm"

Türkiyəli iş adamı Acun Ilıcalının sahibi olduğu "Hall Siti" komandası yeni baş məşqçi axtarışlarını davam etdirir. 

"Cebhe.info" xəbər verir ki, İngiltərə təmsilçisinin gündəmində türkiyəli mütəxəssis yoxdur. Bunu Acun Ilıcalı "BBC Sport"-a açıqlamasında deyib. O, türk baş məşqçi ilə çalışmağı düşünmədiyini deyib: "Mən "Hall Siti"ni satın aldıqdan sonra heç bir türk baş məşqçi ilə görüşməmişəm. Hazırda da görüşməyi düşünmürəm. Çünki ingilis futboluna adaptasiya olan bir mütəxəssislə çalışmaq istəyirəm. Adaptasiya prosesi ilə vaxt itirə bilmərik".