Hovuzda böyütdü, 7 ildə şirkətini qurdu!
Volkan Akın 1989-cu ildə Mersində anadan olub.
Demedia.az xəbər verir ki, ailəsi ilə xoşbəxt uşaqlıq keçirən Volkan dərslərində də uğurlu olub.
Lakin Volkan uşaqlıq illərini yaşıdlarından bir az fərqli yaşamağa üstünlük verib. Onu həmyaşıdlarından fərqləndirən ibtidai məktəb illərində başladığı iş həyatı idi. Dostları dərsdən sonra çöldə futbol oynayarkən o, bərbərin şagirdi olub. Bir çox insanlar üçün bu proses müvəqqəti dəb kimi qəbul edilə bilərdi, lakin Volkan üçün belə deyildi. İş həyatına başlamaq, öz pulunu qazanmaq hissi ona çox gənc yaşlarında gəlib və universitetə başlayana qədər ayrılmadı. İbtidai məktəbin birinci sinfindən universiteti bitirənə qədər bərbər işləyən, əzmi ilə ailəsinin qürur mənbəyinə çevrilən gəncin uğurları bununla məhdudlaşmırdı. Universiteti bitirdikdən sonra şəxsi biznesinə başlayan gənc kənd təsərrüfatı mühəndisinin hazırladığı layihə Türkiyədə böyük marağa səbəb olub. Volkan o günləri belə təsvir edib:
“İbtidai məktəbin birinci sinfindən universitetə daxil olana qədər bərbər işləmişəm. Amma torpağa həmişə marağım olub. Daha sonra Kənd Təsərrüfatı Texniki şöbəsinə daxil oldum. Amma DGS ilə Aralıq dənizi Universitetinin Əkinçilik Fakültəsinə keçdim. 2014-cü ildə universiteti bitirmişəm. “Bitkilərinizə həyat gətirin” devizi ilə yola çıxdım. Məqsədim mikroyosunlardan mikrob gübrəsi istehsal etmək idi. Sözügedən bu gübrə şirin su yosunları olan canlı mavi yaşıl yosunlardan ibarət tamamilə təbii məhsuldur. Bu canlılar xüsusi hovuzlarda fotosintez yolu ilə böyüyür və çoxalırlar. Bitkilər üçün faydalı olan fotosintez məhsulları toplayırlar. "Bitkilərə verildikdə, bu fotosintez məhsulları bitki tərəfindən asanlıqla mənimsənilir".
Təşəbbüskar adam bu layihədə, mikroyosunlardan mikrob gübrəsinin istehsalı ideyası üzərində düz 7 il çalışıb. Bu müddət ərzində o, çoxsaylı cəhdlər etdi, lakin hamısı məyusluqla başa çatdı. 7 ildir ki, bütün cəhdləri uğursuzluqla nəticələnsə də, heç vaxt vaz keçmədiyini və layihə üzərində işləməyə davam etdiyini bildirən Volkan əlavə edib: “Sözügedən dövrün sonunda mikroyosunlardan mikrob gübrə istehsal edib, sabit saxlamağı bacardım. Sonra şirkətimi qurdum. Məhsulun istehsalı üçün lazımi icazələri aldıqdan sonra onun satışına başladım".
Aysun / Demedia.az
