Bu gün aydın olacaq: Rusiya Ermənistanla davammı, tamammı...

Bu gün Moskvada Rusiya və Ermənistan liderləri Vladimir Putin və Nikol Paşinyan arasında danışıqlar olacaq.  Bu da Kremlin planlarına görə, Rusiya-Ermənistan münasibətlərinə “!”  qoyacaq. Bu  gün bəlli olacaq ki, Rusiya Ermənistanla davam edəcək, yoxsa hər şey tamamlanacaq.

News365.az  xəbər verir ki, mövzu ilə bağlı Rusiya KİV-lərinə danışan Xəzər Strateji Araşdırmalar İnstitutunun baş direktoru İqor Korotçenko bildirib ki, dekabrdan sonra liderlər praktiki olaraq ünsiyyət qurmadılar:

“Ona görə də Rusiya-Ermənistan münasibətlərində ən yüksək səviyyədə müzakirə tələb edən bir çox detallar var. Məsələn, Ermənistanla NATO və Rusiya arasında hərbi əməkdaşlığın inkişafı kimi. Təbii ki, aydınlıq gətirmək istərdik İrəvanın bu sahədə planları nədir? Məncə bu gün Rusiya Federasiyası üçün 2024-cü ilin ən mühüm diplomatik görüşlərindən biri olacaq, çünki Ermənistan hələ də bizim hərbi və siyasi müttəfiqimiz olaraq qalır”.

İqor Korotçenko həmçinin əmin olduğunu bildirib ki, Putin və Paşinyanın diqqət mərkəzində əvvəlki səviyyənin bərpa olunması vacib olan Rusiya və Ermənistan arasında ikitərəfli münasibətlər olacaq:

“Avropa İttifaqı, ABŞ, Fransa ilə sıx hərbi-siyasi təmasların qurulması və respublikanın KTMT-də iştirakının “dondurulması” ilə Ermənistanın xarici siyasət vektorunun Qərbə yönləndirilməsi bütün bunlarla müşayiət olunur. Erməni siyasətçilərinin Rusiyaya qarşı qeyri-dost, hətta düşmən ritorikası buna görə də, Moskvanın ümid etdiyi kimi, Paşinyanın Moskvaya gəlişi mövcud problemləri birbaşa müzakirə etməyə və bəlkə də, mümkünsə, onların həlli variantlarını tapmağa imkan verəcək”.

İqor Korotçenko öz növbəsində Ermənistanın köklü şəkildə əvvəlki xarici siyasət izlərinə qayıda biləcəyinə şübhə ilə yanaşdığını bildirib:

“Səmimi etiraf etməliyik ki, vəziyyət artıq kifayət ciddidir. Bununla belə İrəvanın Moskva ilə münasibətlərdə geri dönüşü olmayan həddi keçib-keçməməsindən asılı olmayaraq, bu gün hər şeyə aydınlıq gələcək”.

İlhamə Qiyas, News365.az