Qadın əcnəbiləri köləlikdə saxlayıb onları …

Moskva yaxınlığındakı Balaşixada polis Belarusdan olan beş kişi və bir qadını köləlikdə saxlayan yerli qadını saxlayıb.

Medianews.az xarici mediaya istinad edərək xəbər verir ki, Rusiya Daxili İşlər Nazirliyinin Moskva vilayəti üzrə Baş İdarəsinin mətbuat xidmətindən məlumat verilib.

Müstəntiqlər qadına qarşı Rusiya Federasiyası Cinayət Məcəlləsinin 127.2-ci (“Kul əməyindən istifadə”) maddəsi ilə cinayət işi açıblar. Təqsirləndirilən şəxs barəsində həbs qətimkan tədbiri seçilib.

Müstəntiqlərin fikrincə, qadın Balaşixadakı evlərin birindəki mənzildə qanunsuz olaraq beş kişi və bir qadını saxlayıb.

O, onların sənədlərini və mobil telefonlarını götürüb, həmçinin məhbuslara qarşı fiziki və psixoloji zorakılıq tətbiq edib. Eyni zamanda təqsirləndirilən şəxs əcnəbiləri daim kənardan seyr edərək onları ictimai yerlərdə dilənməyə məcbur edib.

Axtarışlar zamanı onun mənzilindən kömək xahişi yazılmış lövhələr, pullar, pasportlar, smartfonlar, bank kartları götürülüb. Belarus vətəndaşları quldarlıq şəraitində saxlanılıb. Onların hər biri gündə beşdən 10 min rubla qədər qazanırdı. Pulu Balaşixa sakini özü üçün götürüb.

Medianews.az