Fiko Aİ-ni Ukraynadakı münaqişəni sülh yolu ilə həll edə bilməməkdə ittiham edib » AzadMedia.az

Slovakiyanın baş naziri Robert Fiko bildirib ki, Avropa İttifaqı Ukrayna böhranının həlli üçün “mənalı sülh planı” təklif edə bilmir. Bu barədə RİA Novosti yazır.
Slovakiyalı siyasətçi xatırladıb ki, Avropa İttifaqı əvvəlcə sülhpərvər layihə kimi meydana çıxıb.
“Mən onun hazırda Ukraynada gedən münaqişə üçün mənalı sülh planı təklif edə bilməməsindən məyus oldum”, - Fiko vurğulayıb.
Faşizm üzərində Qələbə Günü münasibətilə keçirilən mərasimdə o, həmçinin söz verib ki, “Slovak əsgərinin Ukrayna ərazisinə girməsinə heç vaxt razı olmayacaq”.
Bundan əvvəl Fransa prezidenti Emmanuel Makron Qərb ölkələrinin başçılarının Ukraynaya qoşun yeritmək imkanını müzakirə etdiklərini, lakin bu məsələ ilə bağlı hələlik razılığa gəlmədiyini bildirmişdi. Eyni zamanda, bəzi Avropa liderləri, o cümlədən Almaniya kansleri Ukrayna Silahlı Qüvvələrinə kömək üçün öz hərbçilərini göndərməyəcəklərinə inandırıblar.

Daha sonra Makron qeyd edib ki, Rusiya müdafiə xəttini yarıb keçərsə və belə bir tələb Kiyevdən gələrsə, o, hələ də Ukraynaya qoşun göndərəcəyini istisna etmir. Öz növbəsində, Amerika Konqresinin Nümayəndələr Palatasındakı demokratik azlığın lideri Hakim Cefris Kiyevin məğlub olacağı təqdirdə ABŞ-ın qoşun yeridə biləcəyini bildirib.