Türkiyədə məktəblərdə zorakılıq hadisələrinin artması və son olaraq İstanbulda məktəb direktorunun şagirdi tərəfindən öldürülməsi Milli Təhsil Nazirliyini (MEB) müəllimlərə qarşı törədilən cinayətlərə görə cəzaları artırmağa vadar edib.
Sherg.az xəbər verir ki, hazırlanan “Müəllim peşəsi haqqında” qanun layihəsində zorakılığa qarşı yeni tədbirlər nəzərdə tutulub.
NTV-nin əldə etdiyi məlumata görə, nazirlik bürokratları tənzimləmə ilə bağlı işləri yekunlaşdırıb.
Zorakılığa qarşı 4 maddənin yer aldığı təklifin bu həftə keçiriləcək iclasda yekun şəklinin veriləcəyi öyrənilib.
Milli Təhsil Naziri Yusuf Tekin layihədə müəllimlərə qarşı zorakılıqla bağlı cinayətlərə görə cəzaların artırılması ilə bağlı maddənin olduğunu açıqlayıb.
NTV-nin əldə etdiyi məlumata görə; Məktəblərdə idarəçilərə, müəllimlərə və digər personala qarşı “qəsdən xəsarət yetirmə, təhqir etmə, hədələmə və vəzifə borcunu yerinə yetirməkdən yayınmağa müqavimət göstərmə cinayətlərinə” görə cəzaların yarıya qədər artırılması nəzərdə tutulur.
Həbs cəzalarının təxirə salınması ilə bağlı müddəaların yerinə yetirilməməsi də diqqət çəkir.
Bildirilir ki, özəl məktəblərdə çalışan müəllimlərin zorakılığa məruz qaldıqları hallarda dövlət qulluqçusu sayılması ilə bağlı tənzimləmə də təklifdə yer alacaq.
Nazir Tekin təhsil birliklərinin nümayəndələri ilə də görüşərək zorakılıqla mübarizə istiqamətində atılacaq addımlar barədə məlumat verib və bu məsələdə qərarlı olduqlarını bildirib.
.jpg)