Fransa İran hakimiyyətini girov götürmə və bac almaqda ittiham edib

Ölkənin Xarici işlər Nazirliyi bu barədə bəyanat yayaraq həmin Fransa vətəndaşlarına elan olunan ittihamların misli görünməmiş olduğunu deyib. 

Bəyanatda İranda boş ittihmalarla saxlanılan sair avropalı girovların da azad olunmaları tələb olunub.

Fransalı müəllim Sisil Kohler və həyat yoldaşı Jak Pari 2022-ci ilin mayında bir sıra fəhlə hərəkatı və müəllimlərin tələbləri üzrə aktivistlərlə Tehranda görüş zamanı bir neçə digər iranlı müəllimlərlə birgə saxlanılıblar. 

İran hakimiyyətinə bağlı ərəb dilli Əl-Aləm televiziyası 2022-ci ilin oktyabrında onların bir restoranda görüşlrindən və həmçinin fransa vətəndaşlarının icbari etiraflarından video yayaraq bildirib ki, onlar “İranda inqilab etmək və İslam Respublikasını çökdürmək” məqsədi ilə işlər görmək üçün 5 ay əvvəl İrana səfər ediblər. 

Həmin məhbusların ailələri, İran və dünyada insan halqları üzrə digər təşkilatlar Kohler və Pariyə qarşı elan olunan ittihamları rədd edərək görüşün Beynəlxalq Əmək Təşkilatlarının memurandumlarına uyğun və qanuni olduğunu deyiblər. 

Həmçinin Kohler və Paridən başqa digər 2 fransa vətəndaşı da İranda həbsdədirlər. 

İnsan haqları üzrə təşkilatlar İran hakimiyyətinin Qərb ölkələrindən bac almaq məqsədi ilə əcnəbi vətəndaşları girov götürmə strategiyasına malik olduğunu deyirlər.

Lakin bu birinci dəfədir ki, bir Qərb ölkəsi İranı girov götürmə və bac almaqda ittiham edir.

Taymaz 

visiontv.az