Ukrayna şirkətləri enerji obyektlərinə ziyan vurduğunu bildirirlər - ÖZƏL

Olaylar.az xəbər verir ki, DTEK enerji şirkəti bildirib ki, partlayışlardan sonra Ukraynada üç istilik elektrik stansiyası zədələnib.
Elektrik stansiyalarının avadanlıqları ciddi zədələnib və ekspertlər problem üzərində işləyirlər. Lakin şirkət obyektlərin yerini dəqiqləşdirməyib.
Bu arada "Ukrenerqo" şirkəti partlayışların Ukraynanın mərkəzində enerji obyektinə ziyan vurduğunu bildirib. Bundan başqa, ölkənin bir sıra regionlarında enerji obyektlərinə ziyan dəyib.
Bundan əvvəl Ukrayna ərazisində hava hücumu sirenləri işə düşüb. Paytaxt Kiyev də daxil olmaqla, bir sıra rayon və şəhərlərdə partlayışlar baş verib. Ukraynanın energetika naziri German Qaluşenko daha sonra bildirib ki, Vinnitsa, İvano-Frankovsk, Kirovoqrad, Lvov və Poltava vilayətlərində, eləcə də Zaporojye vilayətinin Kiyevin nəzarətində olan hissəsində elektrik enerjisi istehsalı və ötürülməsi obyektləri zədələnib.