Bayden: İsraili dəstəkləyəcəyik

ABŞ prezidenti Co Bayden bəyan edib ki, Vaşinqton fikir ayrılıqlarına baxmayaraq İsraili dəstəkləməyə hazırdır.

Vətəninfo.az-ın məlumatına görə, bu barədə “The Wall Street Journal” prezidentin çıxışından sitat gətirib.

“Mən yəhudi xalqının, İsrailin təhlükəsizliyinə və hətta fikir ayrılıqlarımıza baxmayaraq, onun müstəqil yaşamaq hüququna tam sadiqəm” dedi Bayden Vaşinqtondakı Holokost Muzeyindəki çıxışında.

Eyni zamanda Bayden ölkə universitetlərində Fələstin tərəfdarı fəaliyyətini tənqid edib.

“Amerikanın heç bir yerində antisemitizm, nifrət və ya zorakılıq təhdidləri üçün Amerika universitetinə yer yoxdur” deyən o, zorakı hücumların və əmlaka zərərin dinc nümayişlər olmadığını və qanuna zidd olduğunu vurğulayıb.

Bundan əvvəl The Wall Street Journal Qəzza zolağının Rəfah şəhərində İsrail Müdafiə Qüvvələrinin HƏMAS-a qarşı mümkün genişmiqyaslı əməliyyata başlaması ilə bağlı vəziyyətin ABŞ və İsrail arasında münaqişəni dərinləşdirdiyini yazıb.

Mayın 6-da axşam saatlarında İsrailin baş naziri Benyamin Netanyahunun ofisi bəyan edib ki, ölkənin hərbi kabineti HƏMAS-a hərbi təzyiq göstərmək və israilli girovları azad etmək üçün Rəfahda hərbi əməliyyatın davam etdirilməsi barədə yekdilliklə qərar verib.