Netanyahu: Rəfaha hücum məhbusları gətirmək üçün həyata keçirilib
İsrailin baş naziri Benyamin Netanyahu bildirib ki, HƏMAS Qətər və Misirin təqdim etdiyi atəşkəs təkliflərini təsdiqləsə də, Qəzza zolağının cənubundakı Rəfaha hücum israilli məhbusları öz ölkələrinə qaytarmaq üçün təşkil edilib.
Netanyahu X sosial media platformasında paylaşdığı video mesajında Rəfaha quru hücumu ilə bağlı qiymətləndirmələr edib.
Rəhbəri olduğu Hərbi Nazirlər Kabinetinin dünən gecə Rəfaha hücum əmri verdiyini xatırladan Netanyahu, "Oraya girmək müharibənin iki əsas məqsədinə xidmət edir: girovlarımızın qaytarılması və Həmasın məhv edilməsi" - deyə bildirib.
HƏMAS-ın qəbul etdiyi təklifin İsrailin tələblərindən çox geridə qaldığını vurğulayan Netanyahu, dünən atəşkəs təklifini qəbul etməklə HƏMAS-ın İsrail qüvvələrinin Rəfaha hücumunun qarşısını almağı hədəflədiyini qeyd edib.
HƏMAS-ın Qəzzaya nəzarəti yenidən ələ keçirməsinə icazə verməyəcəklərini deyən Netanyahu, İsrailin təhlükəsizliyini təhlükə altına salacaq təklifi qəbul etməyəcəklərini bildirib.
Netanyahu xatırladıb ki, İsrail nümayəndə heyəti məhbus mübadiləsi danışıqlarını müzakirə etmək üçün Qahirəyə gedib.
.jpg)
