- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
Azərbaycan II Liqasında XXXIII tura start verilib.
"Qusar" Sumqayıtda "Baku Sportinq"i qəbul edib.
Bu qarşılaşma hər iki tərəf üçün böyük əhəmiyyət daşıyırdı. Qusarın eyniadlı təmsilçisi qələbə qazansaydı, qızıl medallara iddiasını saxlayacaqdı.
Buzovna komndası isə 3 xal qarşılığında çempionluq taxtina sahiblənəcəkdi.
İlk dəqiqələrdən göründü ki, qonaqlar daha istəkli və əzmkardır. “Qusar”ı qapıya sıxan “Baku Sportinq” fasiləyədək 5-6 qol vəziyyəti yaxaladı. Amma nə olsun, fürsətləri göyə sovurdular.
Onların hayına yalnı Kamal Umudlu yetişdi. Referi 24-cü dəqiqədə şimallıların qapısına şübhəli penalti təyin etdi, Röyal Nəcəfov toru silkələdi.
Bu, birinci hissədə yeganə qol olmadı. Müdafiəçilərin arxasına göndərilən uzun ötürməni qəbul edən Vüqar Əşrəfli 38-ci dəqiqədə hesabı bərabərləşdirdi.
İkinci yarı da maraqlı keçdi. “Baku Sportinq” 48-ci dəqiqədə Röyal Nəcəfovla ikinci qolu vurdu. Hücumçu sağ cinah asmasını başla “çərçivə”dən keçirdi.
Bundan sonra da hücumlara ara verməyən buzovnalılar nə illah elədisə, növbəti qola sevinə bilmədi. Əgər qapıda Əli Həsənli olmasaydı, başqa məsələ.
Onun “Qusar”ı xilas etdiyi epizodların sayı durmadan artırdı. Bəs komanda yoldaşları neylədi?
85-ci dəqiqədə Firudin Ağalarov ikinci sarı vərəqəni alaraq, paltardəyişmə otağına bir az tez getdi, ardınca da Vüqar Əşrəfli inanılmaz qol şansını heç etdi.
Qarşılaşma qonaqların 2:1 hesablı qələbəsi ilə başa çatdı.
Xallarını 58-ə yüksəldən "Baku Sportinq" liderlik qoltuğunu möhkəmləndirdi. 45 xalı olan"Qusar" isə indi 5-ci yerdədir.
SPORTİNFO.AZ
“Kapital Bank Arena” (ehtiyat meydança). 30 tamaşaçı | ||||
|
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.