Müharibə

"İsrailin zirehli texnikası Rafaha daxil olub, bölgə sakinləri Misirə can atır..." - FOTO

moderator.az

17:01 07.05.2024

Smartbee
Şikayət et

"Hücumdan öncə güclü artilleriya hazırlığı aparılıb və həmin məkana hava zərbələri endirilib..."

"Rafaha yerüstü hücum İsrailin oktyabrın 7-dən Fələstin ərazilərində törətdiyi silsilə hərbi cinayətlərin davamıdır və buna görə mütləq məsuliyyətə cəlb olunacaq..."

Bu axşam HƏMAS-ın girovların azad edilməsi barədə razılığı fonunda İsrail Müdafiə Ordusu Rafaha hücuma başlayıb.

Moderator.az xəbər verir ki, bu barədə "Anadolu Ajansı" agentliyi məlumat yayıb.

Qəzzadan verilən məlumata görə, İsrail Müdafiə Ordusunun Kərəm-Şalom kubutsası yaxınlığında yerləşən tank bölmələri Qəzza bölgəsinə daxil olub və Rafahın şərq məhəllələri istiqamətində hərəkətə başlayıb.

Bundan öncə güclü artilleriya hazırlığı olub və həmin məkana hava zərbələri endirilib.

Qəzza sakinləri bu gecə ərəfəsində şimala-Xan-Yunis və bölgənin digər regionlarına istiqamətlənib.

Rafahın şərq hissəsinə fəal artilleriya atəşləri başlayanda onlarla ərəb "Rafah" məzarət-buraxılış məntəqəsində toplaşıb və Misir tərəfə keçməyə cəhd edib. Bu barədə Misir mətbuatı yazıb.

Yeri gəlmişkən, misirlilər İsrailin hücumuna hazırlaşıb, onlar tərəfdən NBM-ə böyük maneələr yaradılıb, zirehli maşınlar növbə çəkir, əllərində avtomat və iriçaplı pulemyotlarla atəş açmağa hazır olan hərbçilər növbə çəkir.

Misirin sərhəddini bağlı saxlaması sadə ərəblər tərəfindən anlaşıqlıqla qarşılanır.

Rəsmi məlumatda deyilir ki, Rafaha hücum zamanı "hərbçilər Rafahın qərb hissəsində HƏMAS-ın obyektlərinə hücum əməliyyatları həyata keçirir".

Bu arada isə Ankara İsrailin Rafaha hücumunu hərbi cinayət adlandırıb.

"İsrailin Rafah şəhərinə yürüstü hücumu Təl-Əvivin Fələstin ərazilərində torətdiyi daha bir hərbi cinayətdir. Bu barədə Türkiyənin vitse-prezidenti Cövdət Yılmaz bəyan edib.

"HƏMAS-ın atəşkəslə bağlı Qətər və Misirin təkliflərini dəstəkləməsinin ertəsi günü Rafaha yerüstü hücumu həyata keçirməklə İsrail oktyabrın 7-dən Fələstin ərazilərində törətdiyi silsilə cinayətlərini davam etdirib", - o, deyib.

Siyasətçi əmin olduğunu bildirib ki, "Netanyahu və onun tərəfdaşlarının bəşəriyyətə qarşı törətdikləri bu cinayətlər, buna susqunluqla dəstək verənlər gec-tez öz hərəkətlərinə görə bəşəriyyət qarşısında cavab verəcəklər".

Yılmaz əmin edib ki, Türkiyə prezident Rəcəb Tayyib Ərdoğanın rəhbərliyi altında İsrail administrasiyasının "beynəlxalq hüququn bütün normalarını pozan və onları görməzdən gələn" üzvlərinin məhkəmə məsuliyyətinə cəlb edilməsi üçün səylərini əsirgəməyəcək.

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

Seçilən

217