Dünya qızıl bazarında ən böyük alıcı Çin olub

Çinin qızıl ehtiyatlarında qeydə alınan artım aprel ayı da daxil olmaqla ardıcıl 18 ay davam edib.

"Operativ Media" xəbər verir ki, bu barədə "Bloomberg" məlumat yayıb.

Məlumata görə, Çin Xalq Bankında saxlanılan külçələrin çəkisi 60 min troya unsiyası təşkil edir ki, bu da təxminən 1,87 tona bərabərdir və ümumi ehtiyat məbləği 2264,3 ton təşkil edir.

Eyni zamanda, Ümumdünya Qızıl Şurasının (WGC) ilkin hesablamalarına görə, Çin mart ayında 5 ton qızıl alıb və bu göstəricidə Türkiyə və Hindistandan sonra üçüncü yeri tutur. Ümumilikdə, qlobal mərkəzi banklar ay ərzində qiymətli metal ehtiyatlarını 15,7 ton artırıblar.

Bildirilib ki, cari ilin birinci rübündə dövlət bankları tərəfindən qızıl alışı hesabat dövrü üçün maksimum həddə çatıb və ən böyük alıcı Çin olub ki, bu da digər amillərlə yanaşı, ölkədəki sabit tələbatla da təmin olunub.